«Փաստ». Սեյրան Օհանյանի «դաշինքը» կֆինանսավորի Արա Աբրահամյանը

«Փաստ». Սեյրան Օհանյանի «դաշինքը» կֆինանսավորի Արա Աբրահամյանը

Կիսվել

«Փաստ» թերթը գրում է. «Սեյրան Օհանյանը առաջիկայում` հունվարյան արձակուրդներից հետո, կհայտարարի քաղաքական նոր դաշինքով գալիք խորհրդարանական ընտրություններին մասնակցելու մասին:

«Փաստի» հավաստի տեղեկություններով` դաշինքը կֆինանսավորի Ռուսաստանի և «ալամ աշխարհի» հայերի միության նախագահ Արա Աբրահամյանը: Դաշինքում նրա, այսպես ասած, ներկայացուցիչը կլինի Դեմոկրատական կուսակցության նախագահ Արամ Գասպարի Սարգսյանը:

Այժմ հավաքագրման գործընթաց է: Առանցքային դեմքերից են Վիկտոր Դալլաքյանը և Ամարասի Արթուրը: Ի դեպ, վերջինս դաշինք է մտնում հոծ խմբով, իր տղերքով, մշակույթի ոլորտի իր ընկերներով (Հրանտ Թոխատյան և այլք): Դաշինքի անվանումը դեռ քննարկվում է: Ցուցակը կգլխավորի Սեյրան Օհանյանը: Պաշտպանության նախկին նախարարը իր բոլոր քայլերը հիմնականում քննարկում է գլխավոր «կասիրի»` Արա Աբրահամյանի հետ:

Պատկերացնո՞ւմ եք, ՀՀԿ նախագահը որ պահին թափով «փըշտ» անի` Սեյրան Օհանյանը կզրկվի ֆինանսավորումից:

 Առավել մանրամասն՝ թերթի այսօրվա համարում:

Մեկնաբանություններ